ВОҲИД Абдураҳмон (1940.4.8, Жом-банг) — Индонезия президенти. Жомбангдаги ислом мактаб-интернати (1964), Қоҳирадаги Ал-Азҳар ун-ти ва Бағдод ун-ти (1970)ни тугатган. Меҳнат фаолиятини Жомбанг ислом мактабида муаллимликдан бошлаган. 1972 й. дан Жомбангдаги Ҳошим Ашуари ун-тининг илоҳиёт ф-тида лектор ва декан, 1974— 84 й. ларда Жомбанг, сўнгра Жакартадаги ислом интернат мактаби директори; айни вақтда Нахдат ул-Уламо ноҳукумат ислом ташкилоти аъзоси, шу ташкилот Олий диний кенгашининг биринчи котиби (1978—84); 1984 й. дан ташкилот раиси. 1999 й. окт. дан Индонезия Республикаси президенти. Халқуйғониш партияси асосчиси (1998).