ЯКУБОВСКИЙ Александр Юрьевич

ЯКУБОВСКИЙ Александр Юрьевич (1886.20.1, Санкт-Петербург 1953.21.3, Ленинград) — шарқшунос. СССР ФА мухбир аъзоси (1943), Тожикистон ФА акад. (1951), Ўзбекистон (1943), Тожикистонда (1946) хизмат кўрсатган фан арбоби. Санкт-Петербург у-нтининг тарих-филол. (1913), Ленинград ун-тининг шарқ ф-тини (1924) тугатган. 1925 йилдан Моддий маданият тарихи давлат академияси (кейинчалик ин-т)да, айни пайтда 1928 йилдан Эрмитажда ишлаган; сўнг Ленинград ун-ти проф. (1935 йилдан), суғдтожик археологик экспедициясининг раҳбари (1945 йилдан). Ўрта Осиё, Кавказ, Олтин Ўрда, Ироқнинг ўрта асрлар тарихи бўйича илмий тадқиқотлар олиб борган. Ўрта Осиё халқларининг моддий маданияти, тарихи, ўзбеклар ва тожиклар этногенези, Ибн Сино ҳаёти ва унинг даврига оид тадқиқотлар муаллифи.

Ас: К вопросу об этногенезе узбекского народа, Т., 1941; Олтин Ўрда ва унинг қулаши [Б. Д. Греков билан ҳамкорликда], Т., 1956.

---

Кирилл алифбосида мақола: ЯКУБОВСКИЙ Александр Юрьевич ҳақида тўлиқ маълумот категорияси: Я ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)