ХИРА СИРТ — ўлчамлари кўринувчи ёруғликнинг тўлқин узунлига (380—760 нм ёки 3800—7600°А) га яқин бўлган микроскопик нотекисликларга эга сирт. Х. с. га ёруғлик тушганда ундан диффуз қайтади, яъни ҳар тарафга сочилади (ёруғлик силлиқ сиртдан худди кўзгудан қайтгандек тўғри йўналишда қайтади). Ёруғликнинг тушиш бурчаги унча катта бўлмаган (Z60—70°) ҳолларда Ламберт қонуни тахминан тўғри келади.