ЯНГИ ШАРҚ

«ЯНГИ ШАРҚ» — ижтимоий-сиёсий, адабий, расмий газета. 1919 йил 1 июлдан 1921 йилнинг бошларигача Фаргона шаҳрида чоп этилган. Дастлаб ҳафтада 2 марта, 1919 йил сентябрдан 1 марта чиққан. Ношири — дастлаб Фарғона вилоят музофот миллий ишлар мудирияти, сўнгра вилоят мусулмонлар бюроси. Газ. Чўлпоннинг «Янги Шарқ» шеъри билан очилган. «Янги Шарқ»да жамият ҳаётидаги ўзгаришлар, фуқаролар уруши, маориф, тил ва адабиёт, маданий ҳаётга оид мақолалар, шеърлар эълон қилинган. Чўлпон, Назир Тўрақулов, Т. ҚориНиёзий, Лазиз Азиззода, Абдулла Бегий, Ҳоди Файзий ва бошқалар ижодкорларнинг шеър ва мақолалари босилган. Газ. га Ҳоди Файзий, Назир Тўрақулов ва бошқалар муҳаррирлик қилганлар. Жами 100 сони чиққан.

---

Кирилл алифбосида мақола: ЯНГИ ШАРҚ ҳақида тўлиқ маълумот категорияси: Я ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)