ЯХЛИТ БОШЛИЛАР, яхлит бош суяклилар — тоғайли балиқлар кенжа синфи. Скелети тоғайдан иборат. Юқори жағ суяги яхлит. Юқори жағ тоғайли бош қутиси билан қўшилиб кетган (голостилия, номи шундан). Териси яланғоч, баъзан тишчалар ёки тангачалар билан қопланган. Тишлари найсимон дентин, эмалсиз, кўпинча қўшилиб пластинка ҳосил қилади. Жабра ёриқлари 2 жуфт, тери бурмалари билан ёпилган. Яхлит бошлиларнинг 1 та химерасимонлар туркумига бирлашадиган бир неча ўн хил тури бор.