ХУАРЕС

ХУАРЕС (Juarez) Бенито Пабло (1806.21.3, СанПаблоГелатао, Оахака — 1872.18.7, Мехико, Мексика) — давлат ва сиёсат арбоби, Мексика миллий қаҳрамони. Камбағал индейс оиласида туғилган. Диний семинарияни (1827 й.) ва юридик мактабни (1833 й.) тугатган. 1847—52 й. лар Оахака штата нинг губернатори бўлган. 1846—48 й. даги америкамексика уруши даврида америкалик интервентларга қаршилик кўрсатишни ташкил этищца катга роль ўйнаган. А. СантаАна диктатурасига қарши чиққанлиги учун мамлакатдан бадарға қилинган (1853). 1854 й. инкилоби бошланиши билан’Мексикага кайтиб келган ва либераллар армиясига кирган. Х. Алварес инқилобий ҳукуматида адлия ва культлар вазири бўлган (1855). 1857 й. конституцияси муаллифларидан бири. 1858—61 й. да ҳукумат бошлиғи. 1861 — 72 й. да мамлакат президенти. Черковнинг иқтисодий ва сиёсий мавқеини чекловчи қонунлар чикарган. Англия — Франция—Испания интервенцияси (1861—67 й., Мексика экспедицияси) вактида чет эл интервентларига қарши курашга раҳбарлик қилган.

---

Кирилл алифбосида мақола: ХУАРЕС ҳақида тўлиқ маълумот категорияси: X ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)