ЕР ҚАЗИРЛАР

ЕР ҚАЗИРЛАР, ер сичқонлар (Soricidae) — ҳашаротхўрлар (сут эмизувчилар) туркумининг оиласи. Осиё, Европа, Африка ва Америка қитъаларида кенг тарқалган, 21 тача уруғи бор. Ўзбекистонда митти оқтиш (Suncus etruscus), кичик оқтиш (Crocidura suaveolens), ола путорак (Diplomesodon pulchellum) ва оққорин оқтиш (Crocidura leucodon) учрайди. Ер қазирлар сут эмизувчиларнинг ичида энг майдаси, мас, митти ер сичқон танасининг уз. 3,5 см, думи 2,5 см ча. Кўриниши сичқонга ўхшайди, лекин бошининг катталиги, бурнидаги узун хартумчаси ва кўзининг кичиклиги билан улардан фарқ қилади. Танасининг усти бахмаддек силлиқ ва майин қорамтир қисқа жун билан қопланган. Тишлари курак ва озиқ тишлардан иборат. Оёклари калта, тумшу-ғида мўйлови бор. Кўп турлари ҳар хил ўрмонларда, баъзи турлари чўл ва даштларда яшайди. Кутор деган тури ҳатто сувда яшашга мослашган. Ер қазирлар жуда хўра. Зараркунанда ҳашаротлар ва уларнинг личинкаларини кўплаб еб фонда келтиради.

---

Кирилл алифбосида мақола: ЕР ҚАЗИРЛАР ҳақида тўлиқ маълумот категорияси: E ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)