ЮСУПОВА Офелия Юнусовна

ЮСУПОВА Офелия Юнусовна (1938.8.11, Тошкент) — пианиночи, Ўзбекистон Республикаси, Қорақалпоғистон Республикаси санъат арбоби (1994), проф. (1987). Клара Юсупованинг синглиси. Москва консерваториясида таълим олган (1956—60), Тошкент консерваторияси (1962) ва аспирантураси (1965)ни тугатган. Шу ер (2002 йилдан Ўзбекистон консерваториясида концертмейстер (1960—62), педагог (1962 йилдан), кафедра мудири (1973 йилдан), ректор (1987-97), Узбек давлат филармонияси яккахон созандаси (1962—70). Репертуаридан Европа классик (Бах, Моцарт, Бетховен, Шопен, Григ, Рахманинов, Прокофьев ва бошқалар) ва Ўзбекистон (Г. Мушель, С. Юдаков, X. Изомов, Ф. ЯновЯновский, X. Азимов, Н. Зокиров, А. Набиев ва бошқалар) композиторлари асарлари ўрин олган. П. Холиқов, Р. Ҳамроев, Р. Абдуллаев, М. Тожиев ва бошқаларнинг фортепиано концертларининг биринчи ижрочиси ва тарғиботчиси. Ўзбекистон композиторлари фортепиано мусиқа фестивали ташаббускори ва ташкилотчиси (1974 йилдан). Ижро услуби интеллектуал омили етакчилиги, композицион пухталиги, меъёрий ҳистуйғулари билан ажралиб туради. Ижролари 2 грампластинка ва Ўзбекистон радиоси фонотекасига ёзилган.

Ас: Калмикова Г., Офелия Юсупова, Т, 2001.

---

Кирилл алифбосида мақола: ЮСУПОВА Офелия Юнусовна ҳақида тўлиқ маълумот категорияси: Ю ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)