ЁҒ БЕЗЛАРИ — қушлар, сут эмизувчи ҳайвонлар ва одамлар терисининг ёғ чиқарадиган безлари. Оддий альвеоляр безларга киради, ёғ чиқариш йўллари соч (жун) халталарига очилади. Кунига қарийб 20 г ёғ чиқаради. Ёғ безларининг маҳсули (тери ёғи) терини юпқа қатлам каби қоплаб, уни қуриб қолишдан сақлайди. Қўлоёқ кафтида Ёғ безлари йўқ. Балоғатга (вояга) етиш даврида Ёғ безлари зўр бериб ишлайди. Одамда Ёғ безлари касалликларидан атерома ва ҳуснбузар кўпроқ учрайди.