ЗАНЖИРЛИ УЗАТМА

ЗАНЖИРЛИ УЗАТМА — бир валдан иккинчи валга айланма ҳаракат узатувчи занжирли механизм. Иккала валга бикр ўрнатилган тишли ғилдираклар (юлдузлар)га кийдирилган берк («узлуксиз») занжир ҳалқадан иборат. Занжирнинг тузилиши, юлдузчалар сони, етакчи юлдузчанинг айланиш йўналиши, етакчи валнинг айланиш частотаси (айланишлар сони)га, мойланиши ва б. га кўра турли хилларга бўлинади. Занжирли узатма. Тишли ғиддираклар занжир ҳалқа билан текис ишлаши учун ғилдирак тишлари занжирнинг тузилиши (типи)га қараб ясалади. 3. у. лар бир текис ва шовқинсиз ишлайди. Втулкали ва втулкароликли занжирлар пайдо бўлиши билан 3. у. лар катта қувват 700 Мн (70000 кгкуч)ни катта (35 м/с гача) айланиш тезликларида узата оладиган бўлди. Турли машиналар, механизмлар, мотоцикл ва велосипедларда қўлланилади.

---

Кирилл алифбосида мақола: ЗАНЖИРЛИ УЗАТМА ҳақида тўлиқ маълумот категорияси: З ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)