ЗОКИРОВ Узув Боқиевич (1934.17.9, Тошкент) — фармаколог, Ўзбекистонда хизмат кўрсатган фан арбоби (1984), тиббиёт фанлари д-ри (1968), проф. (1970). ТошТИ ни тугатган (1958). Ўзбекистон ФА Усимлик моддалари кимёси ин-тида кичик ва катта илмий ходим (1961—69). ТошТИ фармакология кафедраси мудири (1978 й. дан). Тошкент фармацевтика инти ректори (1985—88). Фармакалогия қўмитаси раиси (1995—98). Асосий илмий ишлари Урта Осиёда кенг тарқалган доривор ўсимликлардан ажратилган ҳамда синтез килинган моддаларни излаш, ўрганиш ва амалиётга татбиқ этишга ба-ғишланган. Иссиқ иқлим шароитида қ. х. да қўлланиладиган пестицидлар б-н заҳарланганда ҳазм ферментлари фаоллигининг бузилиши ҳамда унинг оқсил, ёғ, углеводлар парчаланиши ва сўрилишига салбий таъсирини илк бор илмий асослаб, олдини олиш йулларини ишлаб чиққан.