ЗОҲИДОВ Теша Зоҳидович

ЗОҲИДОВ Теша Зоҳидович (1906.10.5, Қўқон — 1981.22.8, Тошкент) — Ўзбекистонда зоология фани ташкилотчиларидан бири, Ўзбекистон ФА акад. (1952), Ўзбекистонда хизмат кўрсатган фан ва техника арбоби (1947), биология фанлари д-ри (1948), проф. (1949). Урта Осиё ун-тини тугатган (1931). Шу ун-т ректори (1932, 1941, 1950-51). Ўзбекистон ФА Зоология ва паразитология ин-ти директори (1946-50), Ўзбекистон ФА президенти (1952 — 56). Асосий ишлари умуртқали ҳайвонларни ўрганишга, зоология фанини тарғибот қилишга бағишланган. Қизил-қум умуртқали ҳайвонларининг фау-нистик таркиби ва экологиясини ўрганган. «Зоология энциклопедияси» (1—4-жилдлар, Т., 1957—79) асари учун Беруний номидаги Ўзбекистон Давлат мукофоти лауреати унвонига сазовор бўлган (1971).

Ас: Зоология энциклопедияси (Қушлар, Т., 1957, Сут эмизувчилар, Т., 1960; Амфи-биялар ва рептилиялар, Т., 1969; Баликлар ва тубан хордалилар, Т., 1979); Биоценозы пустыни Кызылкум, Т., 1971.

---

Кирилл алифбосида мақола: ЗОҲИДОВ Теша Зоҳидович ҳақида тўлиқ маълумот категорияси: З ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)