Abbas Sayar

Abbas Sayar (turkcha: Abbas Sayar) — turk yozuvchi, romannavis, jurnalist, rassom va shoiri.

Adib 1923-yil 21-martda Yozgatda tugʻilgan. 1941-yilda Yozgat oʻrta maktabini tamomlab, 1945-yilda turmush qurgan va Istanbulga joylashgan. Istanbul universitetining turk tili va adabiyoti boʻlimida turkologiyadan toʻrt yil oʻqigan, ammo taʼlimni toʻxtatib, Yozgatga qaytgan. Bir muddat dehqonchilik bilan shugʻullangan. Abbas Istanbulga qaytib bosmaxona tashkil etdi. 1953-yilda ona shahri Yozgatga qaytib kelib, Istanbuldagi bosmaxonasida har 15 kunda bir marta nashr etayotgan gazetasini Yozgatda chiqarishni davom ettiradi va shu tariqa shaharning birinchi mahalliy gazetasi „Bozlak“ ommaga nashr etila boshlanadi. Yozgatda chop etilayotgan „Bozok“ va „Ileri“ gazetalarida Abbasning turli maqolalari chiqdi. U qisqa vaqtga boʻlsa ham siyosatga qiziqish bildirdi va Yozgat Demokratik partiyasi tashabbuskor qoʻmitasining asoschilaridan biriga aylandi. Biroq uning siyosatga boʻlgan qiziqishi koʻpga choʻzilmadi.

1989-yil 11-iyulda Ayvalik litseyi adabiyot oʻqituvchisi Hanife Ender Sayar bilan ikkinchi marta turmush qurganidan soʻng Balıkesirning Ayvalik shahriga joylashdi. U adabiyotdan tashqari naqqoshlik sanʼati bilan ham shugʻullangan. 1990-yillarda Anqara, Antaliya, Ayvalik va Izmirda koʻrgazmalar oʻtkazgan. 1999-yil 4-avgustda yotogʻida uxlab yotganida miyasiga qon quyilgan Sayarning ahvoli yarim tunga yaqin yomonlashgan va Izmir tibbiyot fakultetiga davolanishga yotqizilgan. Adil 1999-yil 12-avgust kuni Izmir tibbiyot fakultetida 76 yoshida vafot etgan. Qabri ona shahri Yozgatdagi Çatak qabristonida joylashgan.

Abbas Sayarning oʻgʻli bor. Yozgat shahridagi bir koʻchaga uning nomi berilgan.

U koʻp sheʼr yozgan boʻlib, jami 6 ta sheʼriy kitobi nashr etilgan. Bu kitoblar bugungi kunda maʼlum emas, chunki ular juda tor doiradan tashqariga chiqmagan. Biroq uning ilgari nashr etilgan barcha sheʼrlari 1992-yilda jamlanib, "Boşluğa Takılan Ses" nomi bilan kitob holida nashr etilgan. 1999-yilda vafotidan keyin jamlangan sheʼrlari „Şiirler“ nomi bilan nashr etilgan.

U 1950-yillarda roman janriga oʻtdi. U oʻzining ilk romani „Yılkı At“ni yozganidan taxminan oʻn-oʻn besh yil oʻtib, 1970-yilda nashr ettirdi. Yovvoyi tabiatda qolib ketgan otning omon qolish uchun kurashini aks ettiruvchi, qishloq odamlarining qashshoqlik va nochorligini fonda aks ettiruvchi roman asosida keyinchalik kino ham suratga olingan.

---

Lotin alifbosida maqola: Abbas Sayar haqida to'liq ma'lumot kategoriyasi: A harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)