Abdulaziz Komilov

Abdulaziz Hafizovich Komilov (16-noyabr, 1947, Yangiyoʻl) — oʻzbekistonlik siyosatchi. 1994-2003-yillarda va 2012-2022-yillarda Oʻzbekiston Respublikasi tashqi ishlar vaziri.

1947-yil 16-noyabrda Toshkent viloyatining Yangiyoʻl shahrida tugʻilgan

Oliy maʼlumotli, SSSR Tashqi ishlar vazirligining Diplomatik akademiyasini tamomlagan. Tarix fanlari nomzodi ilmiy darajasiga ega.

1973-1976 — SSSRning Livandagi elchixonasi attashesi

1978-1980 — SSSR FA Sharqshunoslik instituti aspiranti

1980-1984 — SSSRning Suriyadagi elchixonasi 2-kotibi

• 1984-1988 — SSSR Tashqi ishlar vazirligi Yaqin Sharq boʻlimining xodimi
• 1988-1991 — SSSR FA Jahon iqtisodiyoti va xalqaro munosabatlar institutining katta ilmiy xodimi
• 1991-1992 — Oʻzbekiston Respublikasining Rossiyadagi elchixonasi maslahatchisi
• 1992-1994 — Oʻzbekiston Respublikasi Milliy xavfsizlik xizmati raisining oʻrinbosari
• 1994-1994 — Oʻzbekiston Respublikasi Tashqi ishlar vazirining birinchi oʻrinbosari
• 1994-2003 — Oʻzbekiston Respublikasi Tashqi ishlar vaziri
• 1998-2003 — Jahon iqtisodiyoti va diplomatiya universiteti rektori
• 2003-2003 — Oʻzbekiston Respublikasi Prezidentining tashqi siyosiy masalalar boʻyicha maslahatchisi
• 2003-2010 — Oʻzbekiston Respublikasining AQShdagi Favqulodda va Muxtor elchisi
• 2004-2010 — Oʻzbekiston Respublikasining qarorgohi Vashingtonda joylashgan Kanadadagi Favqulodda va Muxtor elchisi
• 2008-2010 — Oʻzbekiston Respublikasining qarorgohi Vashingtonda joylashgan Braziliya Federativ Respublikasidagi Favqulodda va Muxtor elchisi
• 2010-2012 — Oʻzbekiston Respublikasi Tashqi ishlar vazirining birinchi oʻrinbosari
• 2012-yil 13-yanvardan 2022-yil 27-aprelgacha Oʻzbekiston Respublikasi Tashqi ishlar vaziri.
• 2022-yil 27-apreldan 16-iyungacha — Oʻzbekiston Respublikasi prezidenti huzuridagi xavfsizlik kengashi kotibining tashqi siyosat va xavfsizlik masalalari boʻyicha oʻrinbosari.
• 2022-yil 16-iyundan — Oʻzbekiston prezidentining tashqi siyosat masalalari boʻyicha maxsus vakili.
• Favqulodda va Muxtor elchi diplomatik martabasiga ega.
• Arab va ingliz tillarini biladi.

Fidokorona xizmatlari uchun ordeni, Mehnat shuhrati ordeni, Doʻstlik ordeni, Ismoili Somoniy ordeni, shuningdek Oʻzbekiston belgisi va Oʻzbekiston Respublikasi mustaqilligiga 20 yil nishonlari bilan taqdirlangan.

Komilov Sharof Rashidovning qizi Gulnora Rashidovaga uylangan. Oʻgli — Doniyor, iqtisodchi va tadbirkor. "Metropol Group" masʼuliyati cheklangan jamiyati egasi. Bu shirkat 2021-yil 17-iyunda Oʻzbekiston Respublikasi Davlat xavfsizlik xizmati binosini sotib oldi.

---

Lotin alifbosida maqola: Abdulaziz Komilov haqida to'liq ma'lumot kategoriyasi: A harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)