Faxriddin Umarov - Umr lahzasi

Umrning o`tkazgan har bir lahzasi, {x2}
Oqibat o`z qadrin albat so`roqlar.
Imtihon berarsan vijdon oldida,
Qilgan ishlaringdan keksaygan chog`lar.

Imtihon berarsan vijdon oldida,
Qilgan ishlaringdan keksaygan chog`lar.

Dilim ayt, o`shal chog` istiqbolingga
Qandoq yakun bilan bormog`im lozim?
Serhosil bo`lishi uchun kuzimni,
Nimaga band etay bahorim, yozim?

Serhosil bo`lishi uchun kuzimni,
Nimaga band etay bahorim, yozim?

Dilim der: istasang uyalmaslikni,
Vijdoning oldida keksaygan chog`lar,
To`g`ri bo`l, xalqingga sadoqatli bo`l,
Behuda kechmasin bu yoshlik chog`lar.

To`g`ri bo`l, xalqingga sadoqatli bo`l,
Behuda o`tmasin bu yoshlik chog`lar.

Mehnat qil – yetarsan ezgu niyatga,
Yashagan har oning bo`lur mazmundor. (x2)
Vijdoning oldida qolmay uyatga,
Umringdan etarsan haqli iftixor. (x2)

* * *

Фахриддин Умаров – Умр лаҳзаси

Умрнинг ўтказган ҳар бир лаҳзаси, {х2}
Оқибат ўз қадрин албат сўроқлар.
Имтиҳон берарсан виждон олдида,
Қилган ишларингдан кексайган чоғлар.

Имтиҳон берарсан виждон олдида,
Қилган ишларингдан кексайган чоғлар.

Дилим айт, ўшал чоғ истиқболингга
Қандоқ якун билан бормоғим лозим?
Серҳосил бўлиши учун кузимни,
Нимага банд этай баҳорим, ёзим?

Серҳосил бўлиши учун кузимни,
Нимага банд этай баҳорим, ёзим?

Дилим дер: истасанг уялмасликни,
Виждонинг олдида кексайган чоғлар,
Тўғри бўл, халқингга садоқатли бўл,
Беҳуда кечмасин бу ёшлик чоғлар.

Тўғри бўл, халқингга садоқатли бўл,
Беҳуда ўтмасин бу ёшлик чоғлар.

Меҳнат қил – етарсан эзгу ниятга,
Яшаган ҳар онинг бўлур мазмундор. (х2)
Виждонинг олдида қолмай уятга,
Умрингдан этарсан ҳақли ифтихор. (х2)