Adham Soliyev, Ozoda Nursaidova - Mehmonim

[Adham Soliyev]
Tavakkal qilib keldim
Surxondan, Surxondan.
Umidim bor oh sizdek
Janondan, janondan.

Baland dorsiz, bilamiz,
Yetarmikan qo`limiz?
Palov bilan siylaysiz,
Bir tushibdi yo`limiz.

[Ozoda Nursaidova]
Surxondayralik yigit,
Baland dorga osilmang.
Mehmon bo`lish qochmaydi,
Siz bunchalar shoshilmang!

Hali sizning so`zingiz
Elda bo`lar ovoza.
Men onamning erkasiman,
Ozodaman, Ozoda.

[Adham Soliyev]
Qo`lingizdan choy ichsam – bir
Armonim, armonim.
Bo`ling bir kun bo`lsa ham-ey
Mezbonim, mezbonim.

[Ozoda Nursaidova]
Mehmon qilay yetganicha
Imkonim, imkonim.
Haddingizdan oshmang faqat,
Mehmonim, mehmonim!

[Adham Soliyev]
Cho`g` taftidan nur bo`lib,
Yonib turar yuzingiz.
Yuragingiz kuymoqda –
Aytib turar ko`zingiz.

Taom asli bahona,
Sizni bir ko`rmoq edi.
Mening asli niyatim
Ko`nglingiz so`rmoq edi.

[Ozoda Nursaidova]
Taftim chog` kuydiradi,
Omon qolasiz arang.
O`choqqamas, avvalo
Yuragimga o`t qalang.

Taomim yoqib qolib,
Kelavermang qoshimga.
Har kuni bezor qilib-ey,
Balo bo`lmang boshimga.

[Adham Soliyev]
Qo`lingizdan choy ichsam – bir
Armonim, armonim.
Bo`ling bir kun bo`lsa ham-ey
Mezbonim, mezbonim.

[Ozoda Nursaidova]
Mehmon qilay yetganicha
Imkonim, imkonim.
Haddingizdan oshmang faqat,
Mehmonim, mehmonim!

[Adham Soliyev]
Jonni ko`p kuydirasiz,
Juda yaxshi bilaman.
Palovingiz mazasin
Sog`inganda kelaman.

Taftingizdan kuysam ham,
Dardim pinhon yonaman.
Men vafodor jigitman,
Yoningizda qolaman.

[Ozoda Nursaidova]
O`zbekning har bir qizi
Qo`li shirin pazanda.
Nima tashlasa agar,
Qiyom bo`lar qozonda.

Shoshmang, sinab ko`ramiz,
Oshga o`tin yorasiz.
O`tinga kuch yetmasa,
Mendek yordan qolasiz!

[Adham Soliyev]
Qo`lingizdan choy ichsam – bir
Armonim, armonim.
Bo`ling bir kun bo`lsa ham-ey
Mezbonim, mezbonim.

[Ozoda Nursaidova]
Mehmon qilay yetganicha
Imkonim, imkonim.
Haddingizdan oshmang faqat,
Mehmonim, mehmonim!

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.



Бошка кушик матнлари:


Bahodir Mamajonov - Keldim yana
Ilhom Ibrohimov - Sizga sevgim chin
Izzat Shukurov - Xafa bo’lish yo’q
Iskandar Latipov - Opajonim baxtli bo’ling
Sherzod Bek - Yoriltosh


Добавить комментарий

Категории
Популярные тексты