Anvar Sanayev - Dardlar chekaman

Sen qoshlari qaro, go`zalsan jonim,
Zebu-ziynat yig`ib, halaksan jonim.
Sen boyning qizisan, men bir bechora,
Qo`llarim yetmaydi, falaksan, jonim.

Oppoq liboslarda bir go`zal bo`lding,
Ochilib-sochilib oydayin to`lding.
O`zgaga ko`nglingni, bag`ringni berib,
Qalbim olovida guldayin so`lding.

Oh, dardlar chekaman,
Oh, ko`z yosh to`kaman,
Oh, sensiz qolaman,
Oh, taqdir, bilaman.

Sen qoshlari qaro, go`zalsan jonim,
Zebu-ziynat yig`ib, halaksan jonim.
Sen boyning qizisan, men bir bechora,
Qo`llarim yetmaydi, falaksan, jonim.

Boyligim muhabbat, borim muhabbat,
Ishonchim muhabbat, zorim muhabbat.
Taqdir ekan, netay nasib bo`lmading,
Jonimdan sevganim, yorim muhabbat.

Oh, dardlar chekaman,
Oh, ko`z yosh to`kaman,
Oh, sensiz qolaman,
Oh, taqdir, bilaman. (x1+x2)