Janob Rasul - Ona

Gohida kuy ishqi qilganda xumor,
Sho`ng`ib ketsam goho ohu-nolamga,
Vayron kulbasida nimaiki bor,
Onam menga tutar, men-chi bolamga.

Vayron kulbasida nimaiki bor,
Onam menga tutar, men-chi bolamga.

Jovdiraydi sarflab barcha imkonin,
Qo`yib bersang, tutar kaftida jonin,
Suprasini qoqib, eng so`nggi nonin
Onam menga tutar, men-chi bolamga.

Suprasini qoqib, eng so`nggi nonin
Onam menga tutar, men-chi bolamga.

Men halakman o`gil-qizim erkalab,
Quvonaman har bir yutug`in sanab.
Bechora tin bilmas kechmi, ertalab,
Onam menga tutar, men-chi bolamga.

Qayda yursa maqtar men dilbandini,
Elga ko`rk bo`lar deb shu farzandini.
To`ydan niyat qilib olgan qandini
Onam menga tutar, men-chi bolamga.

To`ydan niyat qilib olgan qandini
Onam menga tutar, men-chi bolamga.

To`ydan kech qaytsam-u turmay ertalab,
Uxlasam, boshimda sochlarim silab,
Nimadir kaftida, qo`li qaltirab,
Onam menga tutar, men-chi bolamga.

Nimadir kaftida, qo`li qaltirab,
Onam menga tutar, men-chi bolamga. {x3}

Eh, besh kunlik dunyodan izlayman malham,
Yiqilsam, yonimda hamdamim onam.
Qaniydi, qaniydi onamdek mard bo`lib men ham,
Butun topganimni onamga tutsam. {x2}