Ozodbek Nazarbekov - Tabarruk

Afrosiyob o`rnida qad ko`targan,
Ko`kragiga Chingiz tig`i qadalgan.
Bugun dunyo sayqali deb atalgan,
Samarqandning Registoni tabarruk.

Moziylardan so`ylar moviy gumbazlar,
Madrasa-yu qancha masjid meroslar. (x2)
Motirudiy, Qusam ibn Abboslar,
Buxoriylar nur makoni tabarruk.

Maqbaralar Temuriylar savlati,
Shohi Zinda, Go`ri Amir hayrati.
Bibihonim – go`zallikning ziynati,
Xoja Axror oshiyoni tabarruk.

Avlodi bekmi yo xonga tutashgan,
Kim bo`lsa qoni bir qonga tutashgan,
Tomiri yurakka, jonga tutashgan,
Tojdorlar-u ham xoqoni tabarruk.

Dunyo ahli ko`rdi qaddi bo`ylarin,
O`tar har yil Sharqning sa`at to`ylari.
Ustoz Xoji Abdulaziz kuylari,
“Qurbon o`lam” , “Bozurgon”i tabarruk.

Mashhur “Siyob” bozorini kim bilmas?
Urgut mayiziga novvot teng kelmas.
Sayyohlarga tashrif qog`oz shart emas,
Osiyoki shirmoy noni tabarruk.

Shoh Ulug`bek Ko`ragoniy tabarruk,
Samarqandning Registoni tabarruk.