Gulsanam Mamazoitova - Alla

Buncha nozik bo’lmasang,
Gulga o’raymu, bolam?
Yig’i to’la allam bor,
Aytib beraymu, bolam? (x2)

Yetti daryo yuvsa ham
Ketmas dog’im bor mening,
Nokas otgan toshlarga
To’lgan bog’im bor mening. (x2)

Mo’ltirama ko’zimga,
Bo’ldi ko’nglim ezmagin.
Men sen uchun tosh tishlay,
Sen oroming buzmagin. (x2)

Do’lonadek to’kilgan
Yuragi bor onangni,
Sendan boshqa kimga ham
Keragi bor onangni?
Dardkashimsan sen bolam.

Yolg’izlik bu jonimni
Yonar o’tga otdi-ey,
Yaxshi yorim deganim
Yomon kunga sotdi-ey.

Otang – o’zimman, alla,
Onang – o’zimman, alla,
Sensan gulim, rayhonim,
Soyang o’zingman, alla.

Do’lonadek to’kilgan
Yuragi bor onangni,
Sendan boshqa kimga ham
Keragi bor onangni?
Suyanganimsan bolam,
Ishonganimsan bolam.

Buncha nozik bo’lmasang,
Gulga o’raymu bolam?
Yig’i to’la allam bor,
Aytib beraymu bolam?

Dardkashimsan sen bolam,
Suyanganimsan bolam.



Бошка кушик матнлари:


Bahriddin Zuhriddinov - Daryo
Zamira Suyunova - Alla
Setanho guruhi - Sen bo’lmasang
Ozodbek Nazarbekov - Oh kimga yomon
Og'abek Sobirov - Dog’iman


Добавить комментарий

Категории
Популярные тексты