Bahrom Mahmudzoda - O'ylaganmisiz

Oyning orzusini osmon bilgaydir,
Quyosh ko'zgusini Tangri tutgaydir,
Ayting, dilingizdan nelar o'tgaydir,
Siz ham men haqimda o'ylaganmisiz?

Har on, har soatda sizni o'ylayman,
Azobda, rohatda sizni o'ylayman,
Hatto ibodatda sizni o'ylayman,
Siz ham men haqimda o'ylaganmisiz?

Jonimni chertsalar jarangida siz,
Yakkasiz Turon, Rum, Farangida siz,
Malikam siz muhabbat rangidasiz,
Siz ham men haqimda o'ylaganmisiz?

Demishlar, har gulning gulobi shirin,
Quyoshga ko'kdagi mohtobi shirin,
Mahmudga vaslingiz sharobi shirin,
Siz ham men haqimda o'ylaganmisiz?


Бахром Махмудзода - Уйлаганмисиз

Ойнинг орзусини осмон билгайдир,
Қуёш кўзгусини Тангри тутгайдир,
Айтинг, дилингиздан нелар ўтгайдир,
Сиз ҳам мен ҳақимда ўйлаганмисиз?

Ҳар он, ҳар соатда сизни ўйлайман,
Азобда, роҳатда сизни ўйлайман,
Ҳатто ибодатда сизни ўйлайман,
Сиз ҳам мен ҳақимда ўйлаганмисиз?

Жонимни чертсалар жарангида сиз,
Яккасиз Турон, Рум, Фарангида сиз,
Маликам сиз муҳаббат рангидасиз,
Сиз ҳам мен ҳақимда ўйлаганмисиз?

Демишлар, ҳар гулнинг гулоби ширин,
Қуёшга кўкдаги моҳтоби ширин,
Маҳмудга васлингиз шароби ширин,
Сиз ҳам мен ҳақимда ўйлаганмисиз?