Bekzod Eshonov - G’o’r ishim ko’p

Eh onajon, bilmaysizda g`o`r ishim ko`p,
O`zimga g`o`r, o`zgalarga zo`r ishim ko`p. (x2)
Boshqa payti holing ne, deb so`rab kelmas,
Ishi tushsa, yo`qlaydigan tanishim ko`p. (x2)
Eh onajon, bilmaysizda g`o`r ishim ko`p…

Esiz deyman ishonchlarim, suyganlarim,
Qo`lim emas, dilim berib kuyganlarim.
So`zi bilan yuragimni o`yganlarim,
O`z ichimni o`zim tirnab yeyishim ko`p.
Eh onajon, bilmaysizda g`o`r ishim ko`p…

Ko`ngli bo`shning kissasi bo`sh, deb aytishar,
Tuzlig`ing yeb, so`ng ortingdan tosh otishar.
Bir tanada, qiziq, ikki odam yashar,
Meni shunday yaqin tanish-bilishim ko`p.
Eh onajon, bilmaysizda g`o`r ishim ko`p…

Gohi do`stdan ranjisa ham yigit jonim,
Jim ichimga yutdim hasrat, dard-fig`onim.
Yo`q, havotir olmang mendan, onajonim,
Bandamanda, bandasididan nolishim ko`p.
Eh onajon, bilmaysizda g`o`r ishim ko`p…

* * *

Бекзод Эшонов – Ғўр ишим кўп

Эҳ онажон, билмайсизда ғўр ишим кўп,
Ўзимга ғўр, ўзгаларга зўр ишим кўп. (х2)
Бошқа пайти ҳолинг не, деб сўраб келмас,
Иши тушса, йўқлайдиган танишим кўп. (х2)
Эҳ онажон, билмайсизда ғўр ишим кўп…

Эсиз дейман ишончларим, суйганларим,
Қўлим эмас, дилим бериб куйганларим.
Сўзи билан юрагимни ўйганларим,
Ўз ичимни ўзим тирнаб ейишим кўп.
Эҳ онажон, билмайсизда ғўр ишим кўп…

Кўнгли бўшнинг киссаси бўш, деб айтишар,
Тузлиғинг еб, сўнг ортингдан тош отишар.
Бир танада, қизиқ, икки одам яшар,
Мени шундай яқин таниш-билишим кўп.
Эҳ онажон, билмайсизда ғўр ишим кўп…

Гоҳи дўстдан ранжиса ҳам йигит жоним,
Жим ичимга ютдим ҳасрат, дард-фиғоним.
Йўқ, ҳавотир олманг мендан, онажоним,
Бандаманда, бандасидидан нолишим кўп.
Эҳ онажон, билмайсизда ғўр ишим кўп…