Yusufxon Nurmatov - Nima deymiz

Haromdan koʻz uzolmasdan qarayapmiz,
Uyalmay, dil gunohini sanayapmiz.
Fursat yetib birodarlar, aytingchi biz,
Nima deymiz Ollohimning huzurida?

Birovlarning luqmasidan totib har kun,
Gʻiybat degan botqoqlarga botib har kun,
Nomahramning ishratida yotib har kun,
Nima deymiz Ollohimning huzurida?

Noshukurlik qilamiz dard tutganida,
Hadik yoʻqdir harom luqma yutganida,
Umr oni poyoniga yetganida,
Nima deymiz Ollohimning huzurida?

Ming barobar qaytar kimki yovlik qilsa,
Achinmaymiz gunohlari bagʻir tilsa.
Jon topshirmoq fursati ham yetib kelsa,
Nima deymiz Ollohimning huzurida?

Koʻngil ichi yomonlikka toʻlib boʻldi,
Yaxshilikning gʻunchalari soʻlib boʻldi.
Boʻgʻzim achchiq yoshim ila dardga toʻldi,
Nima deymiz Ollohimning huzurida?

Qalblardan shart shayton uyin yulolmasak,
Oʻzga doʻstga yaxshi niyat tilolmasak,
Musulmonman, deb yaxshilik qilolmasak,
Nima deymiz Ollohimning huzurida?

Chin doʻstlarni sotdik rangli pullar uchun,
Yorni aldab ketdik yolgʻon hurlar uchun.
Qayda qoldi doʻstim, ayting iymon kuchin,
Nima deymiz Ollohimning huzurida?


Юсуфхон Нурматов – Нима деймиз

Ҳаромдан кўз узолмасдан қараяпмиз,
Уялмай, дил гуноҳини санаяпмиз.
Фурсат етиб биродарлар, айтингчи биз,
Нима деймиз Оллоҳимнинг ҳузурида?

Бировларнинг луқмасидан тотиб ҳар кун,
Ғийбат деган ботқоқларга ботиб ҳар кун,
Номаҳрамнинг ишратида ётиб ҳар кун,
Нима деймиз Оллоҳимнинг ҳузурида?

Ношукурлик қиламиз дард тутганида,
Ҳадик йўқдир ҳаром луқма ютганида,
Умр они поёнига етганида,
Нима деймиз Оллоҳимнинг ҳузурида?

Минг баробар қайтар кимки ёвлик қилса,
Ачинмаймиз гуноҳлари бағир тилса.
Жон топширмоқ фурсати ҳам етиб келса,
Нима деймиз Оллоҳимнинг ҳузурида?

Кўнгил ичи ёмонликка тўлиб бўлди,
Яхшиликнинг ғунчалари сўлиб бўлди.
Бўғзим аччиқ ёшим ила дардга тўлди,
Нима деймиз Оллоҳимнинг ҳузурида?

Қалблардан шарт шайтон уйин юлолмасак,
Ўзга дўстга яхши ният тилолмасак,
Мусулмонман, деб яхшилик қилолмасак,
Нима деймиз Оллоҳимнинг ҳузурида?

Чин дўстларни сотдик рангли пуллар учун,
Ёрни алдаб кетдик ёлғон ҳурлар учун.
Қайда қолди дўстим, айтинг иймон кучин,
Нима деймиз Оллоҳимнинг ҳузурида?