Iqbol Muhammad - Kim tanisa Rasulullohni (S.A.V)

Farqlash zarur har bir kishiga
Savob ila zarar-gunohni.
Puxta erur biling ishiga,
Kim tanisa Rasulullohni.

Ibodati bir istirohat,
Ko‘rmas aslo ruhiy talofat,
Ko‘ksin silar haqiqiy rohat,
Kim tanisa Rasulullohni. {x2}

Xulqi go‘zal, ilmi bo‘lar mo‘l,
Chalg‘itolmas biror yomon yo‘l.
Ayoliga ko‘tarmaydi qo‘l,
Kim tanisa Rasulullohni.

Birovlarning baxtini buzmas,
Omonatlik ahdini buzmas.
Qarindoshlik rishtasin uzmas,
Kim tanisa Rasulullohni. {x2}

Kimki desa, kim tanisa,
Kimki sevsa Rasulullohni.

Kulib turar g‘amgin bo‘lsa ham,
Irodasi – metin so‘lsa ham.
Donishmanddir farrosh bo‘lsa ham,
Kim tanisa Rasulullohni.

Obro‘ ila mansab talashmas,
Do‘sti bilan markab talashmas,
Mo‘min bilan mazhab talashmas,
Kim tanisa Rasulullohni. {x2}

Aslo gina saqlab yurmaydi,
Hasad tomon yuzin burmaydi,
Qo‘shnisiga ozor bermaydi,
Kim tanisa Rasulullohni.

Halol yo‘lda horib tolmaydi,
O‘zgalarning haqqin olmaydi,
Savdo qilsa, alday olmaydi,
Kim tanisa Rasulullohni.

Har dam ilm tomon otlanar,
Miskinlarning ko‘nglin shodlatar,
Bolasiga “Yosin” yodlatar,
Kim tanisa Rasulullohni. {x2}

Kimki desa, kim tanisa,
Kimki sevsa Rasulullohni. (x2)


Икбол Мухаммад - Ким таниса Расулуллохни (С.А.В)

Фарқлаш зарур ҳар бир кишига
Савоб ила зарар-гуноҳни.
Пухта эрур билинг ишига,
Ким таниса Расулуллоҳни.

Ибодати бир истироҳат,
Кўрмас асло руҳий талофат,
Кўксин силар ҳақиқий роҳат,
Ким таниса Расулуллоҳни. {х2}

Хулқи гўзал, илми бўлар мўл,
Чалғитолмас бирор ёмон йўл.
Аёлига кўтармайди қўл,
Ким таниса Расулуллоҳни.

Бировларнинг бахтини бузмас,
Омонатлик аҳдини бузмас.
Қариндошлик риштасин узмас,
Ким таниса Расулуллоҳни. {х2}

Кимки деса, ким таниса,
Кимки севса Расулуллоҳни.

Кулиб турар ғамгин бўлса ҳам,
Иродаси – метин сўлса ҳам.
Донишманддир фаррош бўлса ҳам,
Ким таниса Расулуллоҳни.

Обрў ила мансаб талашмас,
Дўсти билан маркаб талашмас,
Мўмин билан мазҳаб талашмас,
Ким таниса Расулуллоҳни. {х2}

Асло гина сақлаб юрмайди,
Ҳасад томон юзин бурмайди,
Қўшнисига озор бермайди,
Ким таниса Расулуллоҳни.

Ҳалол йўлда ҳориб толмайди,
Ўзгаларнинг ҳаққин олмайди,
Савдо қилса, алдай олмайди,
Ким таниса Расулуллоҳни.

Ҳар дам илм томон отланар,
Мискинларнинг кўнглин шодлатар,
Боласига “Ёсин” ёдлатар,
Ким таниса Расулуллоҳни. {х2}

Кимки деса, ким таниса,
Кимки севса Расулуллоҳни. (х2)