Islomjon Ergashev - Otajon

Kimdur nohaq keldi, kimdur past keldi,
Kimdur qumursqayu, kimdur xas keldi.
Bari Haqni sotib, haqparast keldi,
Ko‘ksimda yuragim cho‘g‘dur, otajon,
Sizdan boshqa do‘stim yo‘qdur, otajon.

Ko‘rdim zar qoplagan sahrolarini,
Bildim nafs ko‘yida adolarini,
Nechun inson bilmas xatolarini?
Dardlarim ko‘ksimda o‘qdur, otajon,
Sizdan boshqa do‘stim yo‘qdur, otajon.

Kimdur molingga zor, kim yoringga zor,
Kimdur diling ovlar, dilrozingga zor.
Odam deb topganing ozoringga zor,
Hayotda topganim bir sir, otajon,
Sizdan boshqa do‘stim yo‘qdur, otajon. {x2}

So‘zingiz zarligin keyinroq bildim,
Durligin, gavharligin keyinroq bildim,
Umrimga zargarligin keyinroq bildim,
Siz bor, kam-u ko‘stim yo‘qdur, otajon,
Sizdan boshqa do‘stim yo‘qdur, otajon.

Siz kabi yelkadosh, bitta mardim yo‘q,
Sizsiz bu dunyoda xasdek qadrim yo‘q.
Siz borki, dardim yo‘q zarra gardim yo‘q,
Qayda bo‘lmay, ko‘nglim to‘qdur, otajon,
Sizdan boshqa do‘stim yo‘qdur, otajon. {x2}

Dunyo deb gohida cho‘kdim g‘aflatga,
Yo ba’zan kerildim quruq savlatga,
Goh muhabbat qo‘ydi shon-u shuhratga,
Men topgan dunyolar bir pul, otajon,
Sizdan boshqa do‘stim yo‘qdur, otajon. {x3}


Исломжон Эргашев - Отажон

Кимдур ноҳақ келди, кимдур паст келди,
Кимдур қумурсқаю, кимдур хас келди.
Бари Ҳақни сотиб, ҳақпараст келди,
Кўксимда юрагим чўғдур, отажон,
Сиздан бошқа дўстим йўқдур, отажон.

Кўрдим зар қоплаган саҳроларини,
Билдим нафс кўйида адоларини,
Нечун инсон билмас хатоларини?
Дардларим кўксимда ўқдур, отажон,
Сиздан бошқа дўстим йўқдур, отажон.

Кимдур молингга зор, ким ёрингга зор,
Кимдур дилинг овлар, дилрозингга зор.
Одам деб топганинг озорингга зор,
Ҳаётда топганим бир сир, отажон,
Сиздан бошқа дўстим йўқдур, отажон. {х2}

Сўзингиз зарлигин кейинроқ билдим,
Дурлигин, гавҳарлигин кейинроқ билдим,
Умримга заргарлигин кейинроқ билдим,
Сиз бор, кам-у кўстим йўқдур, отажон,
Сиздан бошқа дўстим йўқдур, отажон.

Сиз каби елкадош, битта мардим йўқ,
Сизсиз бу дунёда хасдек қадрим йўқ.
Сиз борки, дардим йўқ зарра гардим йўқ,
Қайда бўлмай, кўнглим тўқдур, отажон,
Сиздан бошқа дўстим йўқдур, отажон. {х2}

Дунё деб гоҳида чўкдим ғафлатга,
Ё баъзан керилдим қуруқ савлатга,
Гоҳ муҳаббат қўйди шон-у шуҳратга,
Мен топган дунёлар бир пул, отажон,
Сиздан бошқа дўстим йўқдур, отажон. {х3}