Tushda nargis guli | Тушда наргис гули

NARGIS GULI (NARGIS) Doniyol (a.s.)ning aytishlaricha, tushdagi nargis dono, chiroyli va latofatli kishidir. Ibn Sirin (r.a.)ning aytishicha, tushdagi nargis shirin so‘zga dalildir. Agar ayol kishi tushida nargis topganini yoki birov unga berganini ko‘rsa, chiroyli farzand tug‘ilishiga dalildir, agar eri bo‘lmasa, chiroyli erga tegishiga dalildir. Agar nargisni yerdan sug‘irib olganini ko‘rsa, xotinini taloq qiladi yoki farzandi o‘ladi. Tushida nargis gulini tanasidan uzib olganini va g‘ulomiga berganini ko‘rsa, g‘ulomining qochib ketishiga dalildir. Agar ayol kishi bir dasta nargisni eriga berganini ko‘rsa, eri taloq qilishiga dalildir. Ja’far Sodiq (r.a.)ning aytishicha, tushdagi nargis uch narsani bildiradi: dono va chiroyli kishini; farzandni; do‘stligi uzoq davom etadigan do‘stni.