Tushda otga minish, chavandozlik | Тушда отга миниш, чавандозлик

OTGA MINISH CHAVANDOZLIK (SAVORIY) Ibn Sirinning aytishicha, tushida chavandozlik qilayotganini ko‘rsa, podshohdan mol va ne’mat topishiga dalildir. Agar chavandozlar bilan aylanib yurganini va ular bunga mute’ va quloq soluvchi ekanliklarini ko‘rsa, bir guruhga boshliq bo‘lishiga dalildir. Agar otliqlar birorta joyda chavandozlik qilayotganlarini ko‘rsa, o‘sha joyga qattiq yomg‘ir yog‘ishiga dalildir. Agar notanish otliqlar unga dunyo molidan biror narsa berganligini ko‘rsa, birorta musofir odamdan foyda olishiga dalildir. Agar o‘sha otliqlarning tanish ekanliklarini ko‘rsa, foydani do‘stlardan va tanishlardan ko‘rishiga dalildir. Agar otliqlarni ozg‘in otlar ustidan ko‘rsa, ta’biri aksincha bo‘ladi.