Tushda siyoh, siyohdon | Тушда сиёх, сиёхдон

SIYOH (MIDOD) Ibn Sirin (r.a.)ning aytishicha, tushida siyoh ko‘rsa, rizqi keng bo‘lishiga dalildir. Tushida siyohi yo‘qolib qolganini ko‘rsa, ta’biri aksincha bo‘ladi. Kirmoniy (r.a.)ning aytishicha, tushida siyoh libosiga to‘kilib ketganini ko‘rsa, ziyon yetishiga dalildir. Agar dabir (kotib) bo‘lsa, ulug‘lik topadi. Ja’far Sodiq (r.a.)ning aytishicha, tushdagi siyoh to‘rt narsaga dalil bo‘ladi: ulug‘likka; oromga; maishatga; shodlikka. SIYOHDON (DAVOT) Ibn Sirin (r.a.) aytadiki, tushida siyohdoni borligini yoki kimdir unga berganini ko‘rsa, qarindoshlaridan biri bilan xusumatlashishini bildiradi. Tushida siyohdon bilan yozayotganini ko‘rsa, undan birovga yomonlik yetishiga dalildir. Tushida siyohdoni singanini, o‘g‘irlanganini yoki yo‘qolib qolganini ko‘rsa, beva ayolga xohlamay uylanishiga dalildir. Agar davot qalam (ruchka)ni siyohdonga botirayotganini ko‘rsa, o‘g‘il bola tug‘ilishiga dalildir. Jobir Mag‘ribiy (r.a.)ning aytishicha, tushida siyoxdoni tilladan ekanini ko‘rsa, o‘yu andishada qolishiga dalildir. Siyohdon kumushdan ekanini tush ko‘rsa, xotin olishi yoki kanizak sotib olishiga dalildir. Tushida siyoxdoni jezdan ekanini ko‘rsa, foyda topishini bildiradi. Siyohdon ggo‘latdan ekanini tush ko‘rsa, ishlarida baquvvat bo‘lishini bildiradi. Tushida siyoxdon misdan ekanini ko‘rsa, ozgina narsa topishiga dalildir. Ja’far Sodiq (r.a.)ning aytishicha, tushida siyoxdondan biror narsa yozganini ko‘rsa, agar yozgani Qur’ondan bo‘lsa yoki Xudoyi ta’oloning nomlaridan bo‘lsa, solihlik va manfaatga dalildir. Buning aksi bo‘lsa, zarar va fasodga dalildir.