Tushda cho’pon | Тушда чупон Tushda chopon | Тушда чопон

CHO‘PON (SHUBON) Ibn Sirin (r.a.)ning aytishicha, tushida mol, qo‘y, ot, eshak va shu kabilarga cho‘ponlik qilganini ko‘rsa, bularning har biri o‘z qadriga muvofiq ta’birga ega. Otlarga cho‘ponlik qilish mansab va ulug‘lik bo‘ladi, eshakka cho‘ponlik Qilish taxtni bildiradi. Molu sigirlarga cho‘ponlik elchilik, ne’mat va farovonlikka dalildir. Qo‘yga cho‘ponlik qilish halol rizq, molu ne’matni bildiradi. Kirmoniy (r.a.)ning aytishicha, tushida cho‘ponlik qilayotganini va bir bo‘ri bir qo‘yning tomog‘ida tishlab olib ketganini ko‘rsa, podshoh o‘sha diyorni xarob qilishiga va xalq ahvoli yomon bo‘lishiga dalildir. Doniyol (a.s.)ning aytishlaricha, qo‘ylarga cho‘ponlik qilayotganini ko‘rsa, shu qo‘ylarning mikdoriga mansab egalariga rahbar bo‘lishiga dalildir. Tushida cho‘ponning biror narsa berganini ko‘rsa, bir ulug‘ odamdan unga foyda yetishiga dalildir. Ja’far Sodiq (r.a.)ning aytishicha, tushdagi cho‘pon nasihatgo‘y kishi hamda odamlarning molini himoya qilib, har bir kishiga to‘g‘ri yo‘lni ko‘rsatuvchi odamdir. CHOPON (XIL’AT) Ibn Sirin (r.a.) aytadiki, tushdagi chopon toza va yaxshi bo‘lsa, izzat va martaba topishga, riyosat va mamlakatga, xotin va kanizakka dalildir. Ta’bir xukmi chopon beruvchining qadri qimmatiga bag‘likdir. Kirmoniy (r.a.)ning aytishicha, tushida podshohning chopon berganini ko‘rsa, o‘sha podshohdan choponning qiymatiga muvofiq mol topadi. Tushida birorta olimning o‘ziga chopon berganini ko‘rsa, o‘sha olimdan ilmu donish olishiga dalildir. Ja’far Sodiq (r.a.) aytadiki, tushida chopon berganlarini va u chopon oq yoki yashil ekanini ko‘rsa, diniy izzat va obro‘ topishini bildiradi. Tushda berilgan kiyim debo yoki ipakdan bo‘lsa, din va dunyo izzati hamda obro‘yi bo‘ladi. Mag‘ribiy (r.a.)ning aytishicha, agar tushida ayollarning choponini kiyganini ko‘rsa, malomat yetishiga sabab bo‘ladi. Agar tushida o‘sha chopon ustida birov bilan jimo’ qilganini ko‘rsa, jimo’ qilgan kishi orqali hojati chiqishiga dalildir. Ismoil Ash’as (r.a.)ning aytishicha, tushida qizil chopon kiyganini ko‘rsa, dindorlik, omonat va taqvoga dalildir. Agar qora chopon kiyganini ko‘rsa, agar aslida olim bo‘lsa, rohat va manfaatga dalildir. Agar olim bo‘lmasa, ta’biri yaxshi bo‘lmaydi. Agar sariq chopon kiyganini yoki yelkasiga tashlab olganini ko‘rsa, musibat, g‘am va anduhga dalil bo‘ladi. An-nobulsiy: Tushda ko’rilgan chopon dunyo va oxirat yaxshiliklariga dalolatdir. To’nlarning afzali yo’l-yo’l chopon bo’lib, tavilda u jun matodan ko’ra kuchliroqdir. Ipakdan bo’lgan chopon harom moldir. Agar paxtadan bo’lsa, diniy va dunyoviy moldir.