Tushda o’rmon | Тушда урмон

O‘RMON (BESHA) Ibn Sirin (r.a.)ning aytishicha, tushdagi daraxtzor o‘rmon biyobonda yashovchi ayolni bildiradi. Agar o‘rmonga tushib qolganini va bu o‘rmon ko‘m-ko‘k ekanini, unda mevali daraxtlar borligini, xususan, bu o‘z faslida ekanini, bu o‘rmon mevalaridan *yeyayotganini ko‘rsa, asli biyobondan bo‘lgan ayolga uylanishiga yoki biyobonda tarbiya topgan kanizak sotib olishiga, uylangan ayolidan xayru manfaat topishiga dalildir. Agar bu o‘rmonning aytilgan narsalardan xoliy ko‘rsa, zarar va ziyonga dalildir. Agar o‘rmonda daraxtlar o‘rniga tikanlar o‘sib yotganini ko‘rsa va bu tikanlardan unga zarar yetayotgan bo‘lsa, ayollar tufayli unga g‘amu anduh yetishini bildiradi. Ja’far Sodiq (r.a.) aytadilarki, tushda o‘rmonni ko‘rmoq to‘rt narsani bildiradi: biyobonlik ayolni; kanizakni; manfaatni; g‘amu anduhni.