ATOM ENERGIYASI BOʻYICHA YEVROPA HAMKORLIGI (Yevratom) — atom energiyasi sohasida birgalikda tadqiqot oʻtkazish va undan birgalikda foydalanish, atom energiyasi va atom sanoati zaxiralarini birlashtirish maqsadida tuzilgan tashkilot.
Unga dastlab Gʻarbiy Yevropadagi 6 mamlakat (Germaniya, Fransiya, Italiya, Niderlandiya, Belgiya va Lyuksemburg) kirgan. Yevratom 1957-y. 25-martda Rimda imzolangan shartnoma asosida vujudga kelgan. Rivojlangan Yevropa davlatlari tashkiloti boʻlgan bu mustaqil birlashmaga 28 davlat kiradi. Yevropa davlatlaridan tashqari unga Yaponiya, Meksika, Kanada va AQSH aʼzo. Yillik byudjeti 80 mln. frank yoki 16 mln. AQSH dollariga teng (1997).