ASHTARXON XONLIGI

ASHTARXON XONLIGI (Astraxon xonligi) — Oltin Oʻrdaning inqirozi natijasida vujudga kelgan davlat. Poytaxti — Ashtarxon sh. (hoz. Astraxon). 14-a. da Oltin Oʻrda amiri Hoji Cherkas Ashtarxon sh. ni bosib olib, uni alohida mulkka aylantirgan, taxm. 1459—60 y. larda esa bu mulk uzil-kesil mustaqil boʻlib olgan. Ashtarxon xonligining birinchi hukmdori — Katta Oʻrda xoni Ahmadning birodari Mahmud boʻlgan. Xonlikning taxm. hududi: sharqda Noʻgʻay Oʻrdagacha, jan. da Terek, gʻarbda Kuban va Don daryolarigacha, shim. da Saroy sh. gacha. Aholisi turkiyzabon qabilalardan iborat boʻlib, asosan koʻchmanchi chorvachilik, qisman baliq ovlash, ovchilik va dehqonchilik b-n shugʻullangan. Ashtarxon yaqinidan tuz qazib olingan. 1556-y. A. x. rus qoʻshinlari tomonidan bosib olingan.

---

Lotin alifbosida maqola: ASHTARXON XONLIGI haqida to'liq ma'lumot kategoriyasi: A harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)