AKBAROV Habibulla Asatovich (1936.24.3, Toshkent) — geolog olim. Oʻzbekiston FA akad. (1994). Geol.-mineralogiya fanlari d-ri (1986), prof. (1992). Oʻrta Osiyo politexnika in-tining geol.-qidiruv f-tini tugatgan (1958). Oʻrta Osiyo geol. va mineral xom ashyo in-tida sektor mudiri (1968-79), boʻlim mudiri (1979-86), direktor oʻrinbosari (1987—91). 1992—96 y. larda ToshDTU prorektori va ayni vaqtda shu un-t foydali qazilma konlari kafedrasi mudiri. 1996-y. dan Oʻzbekiston FA Yer haqidagi fanlar boʻlimi raisi va FA Prezidiumi aʼzosi (1997-y. dan). Akbarovning ilmiy ishlari endogen ruda konlari va maydonlari tuzilishi, ularning paydo boʻlish va joylashish qonuniyatlarini oʻrganish, rudalarni izlash va bashoratlashning ilmiy asoslarini ishlab chiqishga bagʻishlangan.
As. Tabiiy muhitni muhofazalashning geologiya asoslari, T., 1996 (hammuallif).