APNOE (yun. apnoia — nafasning toʻxtashi) — qonda karbonat angidrid gazining miqdori kamayib ketishi natijasida nafasning vaqtincha toʻxtab qolishi. Baʼzan teri retseptorlarini kuchli taʼsirlaganda (mas, birdan sovuq suvga tushilganda) ham Apnoe roʻy beradi. Yangi tugʻilgan bolada Apnoe 10 minutcha davom etadi, chunki uning qonida kislorod miqdori katta yoshdagi odamlar qonidagiga nisbatan koʻproq boʻladi.