CHUVASHLAR (oʻzlarini chavash deb ataydilar) — xalq, Chuvashiyaning asosiy aholisi (907,6 ming kishi), shuningdek, Boshqirdiston, Tatariston, Ulyanovsk va Samara viloyatlari (RF) va b. yerlarda yashaydi. RF da jami — 1773,6 ming kishi (1990-y. lar oʻrtalari). Chuvash tilida soʻzlashadi. Dindorlari — pravoslavlar. Chuvashlar dehqonchilik, hunarmandchilik va asalarichilik bilan shugullanadi.