CHUKCHALAR (oʻzlarini luoravetlan — «haqiqiy inson» deb atashadi) — RFning Chukotka (taxm. 12 ming kishi) va Koryak (1,5 ming kishi) muxtor okruglarida yashovchi xalq. RFda jami — 15,1 ming kishi (1990-y. lar oʻrtalari). Chukcha (chukot) tilida soʻzlashadi. Dindorlari — pravoslavlar, anʼanaviy eʼtiqodlar saklangan. Asosiy mashgʻulotlari — koʻchmanchi bugʻuchilik, dengiz hayvonlarini ovlash.