DAMODAR — Hindistondagi daryo. Uz. 580 km, havzasining mayd. 20 ming km2dan ortiq. Chxota-Nagpur platosidan boshlanib, Hindgang tekisligining sharqiy qismidan oqadi, Gang daryosi deltasida uning tarmogʻi — Xugli daryosiga quyiladi. Yoz va kuz oylarida toʻlib oqadi. Oʻrtacha suv sarfi 330 m3/sek. Quyi oqimida kema qatnaydi. Damodar havzasida GES, suv omborlari, sugʻorish kanallari qurilgan. Damodar vodiysi Hindistonning muhim industriyalashgan (issiqlik elektr st-yalari, koʻmir qazib olish, metallurgiya, mashinasozlik) r-nlaridan biri.