DANJUA (Denjoy) Arno (1884.5.1, Osh, Jer departamenta — 1974.27.1) — fransuz matematigi, Parij FA aʼzosi (1942), Parij un-ti prof. (1922). Sobiq Ittifoq FA xorijiy aʼzosi (1971). Asosiy ishlari haqiqiy oʻzgaruvchining funksiyalari nazariyasiga oid. Primitiv funksiya (q. Boshlangʻich funksiya) haqidagi klassik masalaning toʻla yechimini bergan. Oʻzi topgan yangi tushuncha — integral D. integrali deb ataladi. Kompleks oʻzgaruvchining funksiyalari nazariyalariga, kvazianalitik funksiyalarga, topologiyaga oid asarlar muallifi.