DARGʻON

DARGʻON (arab. — toʻgʻon, damba, toʻsiq va b. ning koʻpligi) — oʻrta asr shahar xarobasi. Hazorasplan 130 km jan.-sharqda, Amudaryo boʻyidan 3—4 km masofada joylashgan. Dargʻon moʻgʻullar istilosiga qadar yirik shahar (50 ga) boʻlgan. Makdisiyning yozishicha, Dargʻon poytaxt — Jurjoniyadan soʻng Xorazmning eng yirik shahri hisoblanib, katta jome masjidi boʻlgan. Janubiy Turkmanispgon arxeologiya-kompleks ekspeditsiyasi tomonidan oʻrganilgan (1954). Hududida Dargʻon ota maqbarasi (14-a.) bor. Amudaryo kechuvlarining eng asosiylaridan biri Dargʻon yonida boʻlgan. Dargʻondan hozirda Dargʻon qalʼa, Oqqalʼa yoxud Koʻhna qalʼa nomlari bilan mashhur qalʼa xarobasi saqlanib qolgan. Uning maydoni taxm. 6 ga, atrofi qalin (2,60 m), bal. 8 m paxsa devor bilan oʻralgan.

---

Lotin alifbosida maqola: DARGʻON haqida to'liq ma'lumot kategoriyasi: D harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)