DVORJAK

DVORJAK (Dvorak) Antonin (1841.8.9, Praga yaqinidagi Nelagozeves qishlogʻi — 1904.1.5, Praga) — chex kompozitori, milliy kompozitorlik maktabi asoschilaridan. Chexiya fan va sanʼat akademiyasining aʼzosi (1890), Praga konservatoriyasining prof. (1891) va direktori (1901-y. dan). Nyu-Yorkdagi milliy konservatoriya direktori (1892—95). Dvorjak merosida 10 opera (1870—1903), 9 simfoniya (1865 — 93), simfonik poemalar, bir nechta kamer va xor asarlari mavjud. Vokalsimfonik ijodida «Avliyo Lyudmila» oratoriyasi (1886), «Madhiya» kantatasi (1873) alohida oʻrin tutadi. «Yangi dunyodan» nomli 9-simfoniyasi (1893)da Dvorjak Yevropa simfonizm» anʼanalarini yangi — chex va Amerika xalqlari kuy va usullari bilan boyitdi. Dvorjak ijodi chex mumtoz kompozitorlik ijodiyotining eng yuqori choʻqqisidir. Yorqin milliy ruh bilan sugʻorilgan, xilma-xil kuy va ritmlarga boy Dvorjak musiqasi oʻzining hayotbaxshligi, romantik joʻshqinligi b-n ajralib turadi.

---

Lotin alifbosida maqola: DVORJAK haqida to'liq ma'lumot kategoriyasi: D harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)