DETEKTIV ADABIYOT — jinoyatlarni ochish jarayoni tasvirlangan hikoya, qissa, romanlar. Bu janr asoschisi E. Po («Morg koʻchasidagi qotillik»,1841; va b. novellalar). Detektiv adabiyot mumtoz asarlarida jinoyatning ochilishi mantiqiy asosda tasvirlanadi (A. K. Doil, K. G. Chesterton, E. Gaborio, A. Kristi, R. Staut). Janrning keyingi taraqqiyoti Detektiv adabiyotda ijtimoiy-ruhiy motivlarning paydo boʻlishi (J. Simenon, Matsumoto Seytyo), qonun himoyachilarining jinoyatchilar dunyosi bilan bevosita ku-rashi tasvirlangan turli-tuman Detektiv adabiyot paydo boʻlishi (D. Xammett, R. T. Chand-ler va b.) bilan bogʻliq. Soʻnggi yarim asrda oʻzbek adabiyotida ham Detektiv adabiyot namunalari yaratilmoqda. (Shuhrat, «Bir kecha fojiasi»; Oʻ. Umarbekov, «Yoz yomgʻiri»; O. Muxtor, «Moʻjiza»; Tohir Malik, «Shaytanat» va b.)