DIVERTISMENT (frans. divertissement — koʻngil ochish) — 1) 17 — 18-a. larda drama (baʼzan opera, balet) spektakllarining qoʻshimcha yoki yakuniy qismi. Odatda spektakl mazmuniga bogʻliq boʻlmagan raqs va qoʻshiqlar, hajviy-mutoyibali sahnalardan iborat. 19-a. ning 70-y. laridan boshlab varyete, kabare kabi estrada teatrlarida yigʻma konsert dasturi;
2) Yevropada 18-a. ning 2-yarmida turli tarkibdagi ansambl yoki orkestrlar uchun yaratilgan (mas, Y. Gaydn, V. A. Motsart va b.) cholgʻu musiqa asari. 19-a. da popurri janriga aylangan. 20-a. dan «Divertisment» atamasi koʻproq balet nomerlaridan tashkil topgan s/oshyaasimon asarlarga nisbatan qoʻllaniladi.