DIZEL (Diesel) Rudolf (1858.18.3, Parij — 1913.29.9, La-Mansh) — nemis ixtirochisi. Myunxendagi Oliy politexnika maktabini bitirgan (1878). Yonilgʻining siqilgan havoga purkalishidan alangalanadigan ichki yonuv dvigateli (dizel)ni yaratgan. Dizel oʻz dvigateli uchun 1892-y. da patent olgan. Bu bilan Dizel ideal Karno siklita yaqin boʻlgan siklda ishlaydigan ichki yonuv dvigatelini yaratish gʻoyasini ilgari surdi; bunda toza havoni 25 Mn/m2 (250 kgkuch/sm2)gacha siqib eng yuqori t-raga erishdi. Bir kadar takomillashtirilganidan keyin (1897) dvigatel arzon yonilgʻi (neft mahsuloti) b-n puxta ishlaydigan va transportda keng qullaniladigan boʻlib qoldi.