DISAXARIDLAR, biozalar, S|2N22OP — molekulalari ikki monosaxarid qoldigʻidan tuzilgan uglevodlar, hammasi glikozidlar tipida tuzilgan. Qaytarish xossasiga ega boʻlmagan Disaxaridlarga 2 glyukoza qoldigʻidan tuzilgan tregaloza (mikoza), glyukoza va fruktoza krldiklaridan tuzilgan saxaroza va b., qaytaruvchi xossali Disaxaridlarga maltoza, sellobioza, laktoza va b. kiradi. Disaxaridlar kristallanadi, suvda, 45—48°li spirtda eriydi; chuchmal. Kislotalar taʼsirida gidrolizlanganda monosaxaridlar hosil boʻladi. Disaxaridlar oʻsimlik va hayvon organizmlarida keng tarqalgan. Odatda, tabiiy manbalardan (mas, saxaroza — qand lavlagi yoki shakarqamishdan, laktoza — hayvonlar sutidan) olinadi. Aksarisi kimyoviy va biokimyoviy usullar bilan sintezlanadi. Saxaroza, laktoza va maltoza — qimmatli oziq-ovqat va taʼm beruvchi moddalar.