DOVUD QURUVCHI

DOVUD «QURUVCHI», Dovud «Binokor», David IV Georgiyevich (1073—1125) — Gruziyaning bagrationlar sulolasi davridagi podsholaridan (1089—1125). Gruziya knyazliklarini markazlashgan yaxlit davlatga birlashtirishga asos solgan yirik davlat arbobi. Dovud quruvchi «Q.» 1097-y. saljuqiylarga soliq toʻlashni toʻxtatib, Gruziyaning mustaqilligini tiklagan. 1104-y. Kaxeti, Ereti va b. shaharlarni oʻz hududiga qoʻshib olgan. 1122-y. Tbilisini ishgʻol qilgan va poytaxtni Kutaisidan Tbilisiga koʻchirgan. D «Q.» cherkovdagi yuqori lavozimni nasldan-naslga oʻtkazishga barham berib, unga hukumat mansabdorlaridan saylash tartibini joriy qilgan. U zodagonlarning koʻngilli lashkarlaridan tashqari, bevosita podshoga qaram boʻlgan doimiy qoʻshin tuzgan (1118—20). D «Q.». qipchoqlar ulugʻ xonining qizi — Guranduxtga uylanib, 45 mingdan ortiq qipchoqni askariy xizmatga jalb etgan. Bundan tashqari u shahar, katta (shoh) koʻchalar, koʻpriklar, qasr (saroy)lar, karvon saroylar qurishga, maorif ishlarini rivojlantirishga katta ahamiyat bergan. Gelati sh. dagi akademiyaga asos solgan. Uning taraqqiyparvarligini nazarda tutib «Quruvchi» deb nom berilgan.

---

Lotin alifbosida maqola: DOVUD QURUVCHI haqida to'liq ma'lumot kategoriyasi: D harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)