DOʻSTOBOD

DOʻSTOBOD — Toshkent viloyatidagi shahar (1983-y. dan). Quyi Chirchiq tumani markazi. 1996-y. gacha Soldatskiy qishlogʻi. Angren daryosi Sirdaryoga quyilish joyiga yaqin yerda joylashgan. Yaqin t. y. stansiyasi — Kuchlukkacha 38 km. Doʻstoboddan Toshkentgacha boʻlgan masofa 66 km. Aholisi 13,6 ming kishi (2000), asosan oʻzbeklar, shuningdek, qozoq, koreys, rus, tojik va b. millat vakillari ham yashaydi. Doʻstobodda 3 sanoat korxonasi, 2 qurilish idorasi, 3 umumiy taʼlim maktabi, 20 dan ziyod maʼmuriy, davlat tashkilotlari, 40 dan ortiq xususiy korxona, 1 qoʻshma korxona, 300 oʻrinli kasalxona, poliklinika, madaniyat uyi, madaniyat va is-tirohat bogʻi, sport majmui mavjud.

Avtobus, taksi qatnovlari muntazam yoʻlga qoʻyilgan.

---

Lotin alifbosida maqola: DOʻSTOBOD haqida to'liq ma'lumot kategoriyasi: D harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)