ISMOILOV

ISMOILOV Abdulhoshim (1952.9.6, Fargʻona viloyati, Quva tumani) — sozanda (gʻijjak), bastakor. Oʻzbekiston xalq artisti (1990). Toshkent konservatoriyasining sharq musiqasi kafedrasini tugatgan (1989). Oʻzbekiston teleradiokompaniyasining makom ansamblida sozanda (1974—85), musiqa rahbari (198587), badiiy rahbar (1987-96 va 1999-y. dan), «Oʻzbeknavo» konsert-gastrol birlashmasida sozanda (1997—99). Ijro uslubiga noziklik va mayinlik, qochirim-nolalarni, rang-barang usullarni ustalik va mohirona ishlatish xos. Ismoilov rahbarligidagi cholgʻu ansambli (A. Abdurashidov, A. Xoltojiyev va b.) ijrosi orqali oʻzbek musiqasiga yangi — guruhli badiha uslubi kirib keldi. Repertuaridan yirik xalq cholgʻu kuylari («Choʻli Iroq», «Nasrulloyi», «Navroʻzi Ajam» va b.), maqom yoʻllari («Chorgoh», «Segoh», «Dugoh») va b.) keng oʻrin olgan. Bastakor sifatida oʻzining ashula, qoʻshiq va yallalari («Boʻlmas», «Noz», «Erka bulbul», «Sen oʻzing», «Oʻzbekiston», «Toshkentim»,«Yorimga ayting», «Uchrashuv», «Netay», «Togʻ qizi» va b.), cholgu va raqs kuylari («Holim soʻrma», «Gullola», «Toʻyona», «Dil bayrami» va b.) bilan shuhrat qozongan. Qator xorijiy mamlakatlarda oʻz ijrochilik mahoratini namoyish etgan. Maqom ijrochilarining 1-respublika tanlovi laureati (1983).

---

Lotin alifbosida maqola: ISMOILOV haqida to'liq ma'lumot kategoriyasi: I harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)