IHTILOM

IHTILOM, pollyutsiya — erkaklarda gʻayriixtiyoriy bulgʻanish (sperma kelishi). Ihtilom koʻpincha oʻsmirlarda roʻy beradi va jinsiy balogʻatga yetish davrining boshlanganini bildiradi; bir maromdagi jinsiq hayot boshlangach, Ihtilom toʻxtaydi. Birinchi Ihtilomning paydo boʻlishi bolaning individual tugʻma xususiyatlari, umumiy sogʻligi, hayot tarzi va qiziqishlariga bogʻliq. Tungi Ihtilomdan tashqari, kishi kunduzi uygʻoq vaqtida ham (baʼzan ayolni oʻpganda yoki yalangʻoch holda koʻrganda va h. k.) I. boʻlib qolishi mumkin. Katta kishilarda tungi Ihtilom oʻzi odatlangan jinsiy aloqani toʻxtatganda kuzatiladi. Ihtilom kasallik alomati boʻlmay, aksincha, jinsiy bezlarning gormonal faolligi saqlanganligidan dalolat beradi. Markaziy nerv sistemasi, prostata bezi kabi aʼzolar kasalliklarida Ihtilom doimiy tus oladi. Bunda mutaxassis vrachga murojaat qilish kerak.

---

Lotin alifbosida maqola: IHTILOM haqida to'liq ma'lumot kategoriyasi: I harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)