MILTIQ

MILTIQ — oʻq otish quroli. Ov va harbiy ishda qoʻllaniladi. Dastlabki Miltiq 12-a. da arablarda paydo boʻlgan. Miltiq yogʻoch dastaga mahkamlangan stvol (quvur)dan tuzilgan. Qadimgi Miltiqlar pilta bilan oʻt oldirilgan (shuning uchun oʻzbeklar orasida «pilta miltiq» deb atalgan). 14-a. da Yevropada silliq stvolli Miltiq ishlab chiqarilgan. 16-a. birinchi yarmida Ispaniyada mushket deb ataluvchi birmuncha tez oʻqlanadigan Miltiq ishlab chiqarildi. 17—18-a. larga kelib oʻyiq stvolli Miltiq yaratilgan. 19-a. da tepki, piston va metall patronning ixtiro qilinishi Miltiqni oʻqlash tezligini birmuncha oshirdi. 1868-y. dan boshlab Rossiyada patron gilzasini mexanik ravishda chikarib tashlaydigan zatvorli Miltiq qoʻllanildi (q. Berdanka). 19-a. ning 2-yarmida magazin ixtiro qilingach, Miltiqni oʻqpash tezligi ancha oshdi. 1891-y. rus qurolsozi S. I. Mosin yaratgan Miltiq na-munasi 1jahon urushi, Rossiyada fukarolar urushi davrida keng qoʻllanildi. 1930-y. mazkur Miltiq baʼzi oʻzgarishlar bilan qayta ishlab chiqarildi va 7,62 mm li Miltiq degan nom oldi. Bu M. magaziniga 5 patron joylangani uchun u oʻzbeklar orasida «beshotar» deb atalgan. Uning otish tezligi minutiga 10—12-marta, moʻljalga olish va otish masofasi 2000 m; aniq otish masofasi 400 m gacha; ogʻirligi 4 kg (nayzasi bilan 4,5 kg). Optik pritsel oʻrnatilganda 800 m gacha masofadagi nishonni bexato urishi mumkin. Hozir Miltiq lardan, asosan, ov qilishda foydalaniladi (yana q. Karabin, Pistolet-pulemyot).

---

Lotin alifbosida maqola: MILTIQ haqida to'liq ma'lumot kategoriyasi: M harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)