MOTOTSIKL SPORTI

MOTOTSIKL SPORTI — sportning texnik turi, mototsikl bilan oʻtkaziladigan musobakalar. Motodrom, shosse, trek, otchoparlarda tezlikka erishish (poyga), pastbaland joylarda hayday bilish (kross), yonilgʻini tejash, sunʼiy gʻov qoʻyilgan joylar va shahar harakati sharoitida rul boshqarish, turli oʻyinlar namoyish qilish, tepalikka koʻtarilish, chuqurlikka shoʻngʻish kabilardan iborat. Dastlab 1895-y. Parij—Bordo—Parij yoʻnalishi boʻyicha avtomobil poygasi bilan birgalikda tosh yoʻlda birinchi bor mototsikl poygasi ham oʻtkazilgan. Xalqaro federatsiya — FIM (1904-y. asos solingan, Oʻzbekiston sportning texnik turlari respublika markazi unga 1994-y. qabul qilingan) 60 dan ortiq mamlakatni birlashtiradi. 1924-y. dan jahon, 1936-y. dan Yevropa chempionatlari oʻtkazib kelinadi.

Oʻzbekistonda Mototsikl sporti 20-a. 40-y. larining oxiri — 50-y. larining boshida ommalasha boshladi. Oʻzbekiston sportning texnik turlari respublika markazi mamlakatda Mototsikl sportiga boshchilik qiladi. Mototsikl sporti uchun koʻplab sport inshoootlari bunyod etilgan. Jizzaxdagi «Navroʻz bulok» avtomotodromi, Surxondaryo viloyatidagi «Qizil mozor» (Jarqoʻrgʻon), Navoiy togʻmetallurgiya kombinatining «NGMK», Olmaliqdagi «Qalmoqqir», Zarafshon sh. dagi «Zolotinka», Samarqanddagi «Motodrom-Ulugʻbek», Toshkent sh. dagi «Yunusobod», Fargʻona sh. dagi sport majmui motodromlari va b. moto t-rassalar Mototsikl sporti turlariga ixtisoslashtirilgan. 25 dan ortiq sport klubjamoalari Oʻzbekiston chem-pionati va kubok musobaqalarida qatnashadi. Mototsikl sportini bolalar oʻrtasida keng yoyishga alox. ida eʼtibor beriladi. Bolalar 9 yoshdan boshlab Mototsikl sporti bilan shugʻullanishi va musobaqalarda qatnashishi mumkin. Oʻzbekiston sportchilari xalqaro musobaqalarda, Rossiya, Qozogʻi-ston, Turkmaniston, Tojikiston va Qirgʻiziston chempionatlarida muntazam ishtirok etadi. 1992-y. dan buyen Uzbekistonda har yil i motokross boʻyicha koʻp bosqichli respublika chem-pionati, «Enduro» boʻyicha Uzbekiston chempionati, Uzbekiston va Markaziy Osiyo kubogi musobaqalari oʻtkaziladi. Sportning texnik turlari respublika markazi har yili oʻzining «Supermotokross» sovrini uchun kross tashkil qilish bilan sport mavsumini ochadi.

---

Lotin alifbosida maqola: MOTOTSIKL SPORTI haqida to'liq ma'lumot kategoriyasi: M harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)